धुळे : रिपब्लिकन पार्टी ऑफ इंडिया (आठवले गट)ची महत्त्वपूर्ण बैठक आज धुळे शहरातील गुलमोहर रेस्ट हाऊस येथे उत्साहात पार पडली. या बैठकीत माजी जि.प. सदस्य प्रभाकर जाधव यांची धुळे जिल्हाध्यक्षपदी एकमताने निवड जाहीर करण्यात आली. राष्ट्रीय नेते ना रामदासजी आठवले यांनी यापूर्वी जिल्ह्याची कार्यकारिणी बरखास्त केल्यानंतर तत्कालीन जिल्हाध्यक्ष शशिकांत वाघ यांनी आपल्या पदाचा राजीनामा दिला होता. त्या पार्श्वभूमीवर उत्तर महाराष्ट्र अध्यक्ष रमेश मकासरे यांच्या उपस्थितीत ही बैठक घेण्यात आली. बैठकीत प्रभाकर जाधव यांच्या नावावर एकमताने शिक्कामोर्तब करण्यात आले. आपल्या कार्यकाळात सर्वसमावेशक पद्धतीने नवीन कार्यकारिणी गठित करून पक्ष संघटन मजबूत करण्यासाठी ते काम करतील, अशी अपेक्षा यावेळी व्यक्त करण्यात आली. या बैठकीस ज्येष्ठ नेते वाल्मीक दामोदर, माजी जिल्हाध्यक्ष शशिकांत वाघ, उत्तर महाराष्ट्र उपाध्यक्ष, काकासाहेब रामभाऊ माणिक, एस.आर. बागुल, महेंद्र निळे, दीपक शिंदे, अमोल कबाडे, भरत आडगाळे, नयना दामोदर, सरला निकम, राजू बाबा शिरसाठ, सरपंच, कैलास आखाडे, संजय पाटोळे, बापुसाहेब ठाकरे,मनीबाबा खैरनार, गौतम खंडारे, संजय बैसाणे, कमलाकर मोहिते, भरत जाधव, भुषण पाटील, गवळे यांच्यासह पक्षाचे पदाधिकारी व कार्यकर्ते मोठ्या संख्येने उपस्थित होते.
