तालुका प्रतिनिधी :- राहुल जयकर
मुक्ताई महिला बहुउद्देशीय संस्था व जनमत प्रतिष्ठान यांच्या संयुक्त विद्यमाने आयोजित ‘सकल ज्ञान महोत्सव सन्मान व बक्षीस वितरण सोहळा २०२६’ उत्साहात पार पडला. जिल्हाधिकारी कार्यालय परिसरातील अल्प बचत भवन येथे रविवारी दि. १५ रोजी झालेल्या या राज्यस्तरीय पुरस्कार सोहळ्यात विविध क्षेत्रांत उल्लेखनीय कार्य करणाऱ्या मान्यवरांचा सत्कार करण्यात आला. यावेळी सामाजिक व शैक्षणिक क्षेत्रातील कार्याबद्दल स्मिता दिलीपकुमार जयकर यांना सन्मानपत्र प्रदान करून गौरविण्यात आले.
समाजहिताच्या विविध उपक्रमांमध्ये सक्रिय सहभाग, महिलांच्या सक्षमीकरणासाठी केलेले प्रयत्न तसेच शैक्षणिक क्षेत्रातील योगदान याची दखल घेत त्यांना हा सन्मान देण्यात आला. मान्यवरांच्या हस्ते सन्मानपत्र व पुष्पगुच्छ देऊन त्यांचा गौरव करण्यात आला.
कार्यक्रमाचे प्रमुख वक्ते माजी डायट प्राचार्य मा. श्री. निलकंठ आप्पा गायकवाड यांनी विद्यार्थ्यांना मार्गदर्शन करताना ज्ञान, कौशल्य आणि संस्कार यांचा समतोल साधण्याचे आवाहन केले. “समाजासाठी निस्वार्थ भावनेने कार्य करणाऱ्यांचा गौरव करणे हीच खरी प्रेरणा आहे,” असे मत आयोजकांनी व्यक्त केले.
कार्यक्रमाच्या अध्यक्षस्थानी आमदार मा. श्री. राजुमामा भोळे, माजी महापौर मा. श्री. जयश्री महाजन, नवनिर्वाचित महापौर सौ. दिपमाला काळे तसेच नगराध्यक्षा सौ. गायत्री भंगाळे उपस्थित होत्या. प्रमुख अतिथी म्हणून विविध क्षेत्रातील मान्यवरांची उपस्थिती लाभली.
कार्यक्रमात गुणवंत विद्यार्थ्यांना बक्षिसांचे वितरण करण्यात आले. मान्यवर, शिक्षक, पालक व नागरिकांच्या उत्स्फूर्त सहभागामुळे संपूर्ण सोहळा प्रेरणादायी ठरला.
