उपसंपादक :- मिलिंद जंजाळे
समता सैनिक दलच्या जळगाव जिल्हा बांधणीसाठी संघटनेची खंबीर वाटचाल सुरू असून २० फेब्रुवारी रोजी जळगाव महानगर व तालुकास्तरीय महत्त्वपूर्ण बैठक उत्साहात पार पडली. या बैठकीत शहर कार्यकारणी जाहीर करत जिल्हाभर शाखा विस्ताराचा निर्धार करण्यात आला.
बैठक राज्याध्यक्ष मा. धर्मभूषण बागुल यांच्या प्रमुख मार्गदर्शनाखाली तसेच राज्य संघटक विजय निकम यांच्या अध्यक्षतेखाली संपन्न झाली. यावेळी संघटनेची ऐतिहासिक वाटचाल, संघर्ष, शिस्त आणि तत्वनिष्ठा याबाबत सविस्तर मार्गदर्शन करण्यात आले.
संघटनेचे संस्थापक महामानव डॉ. बाबासाहेब आंबेडकर यांच्या विचारांचा प्रसार घराघरात व गावागावात पोहोचवणे ही काळाची गरज असल्याचे अधोरेखित करण्यात आले. सर्व जाती-धर्मातील व्यक्तींना संघटनेत सामावून घेऊन समाजात समता, संघटन आणि जागर निर्माण करण्याचे आवाहन करण्यात आले.
देशातील सध्याची परिस्थिती लक्षात घेता प्रत्येक तालुका व प्रत्येक गावात समता सैनिक दलाच्या शाखा स्थापन करण्याचे आवाहन राज्याध्यक्ष बागुल यांनी केले. संघटन मजबूत करण्यासाठी जिल्हा पश्चिम मुख्य संघटकपदी आयु. चेतन नन्नवरे यांची निवड जाहीर करण्यात आली.
जळगाव शहर कार्यकारणी जाहीर
अध्यक्ष — मुकुंद भालेराव
सचिव — संजय सपकाळे
संघटक — सुधाकर बाविस्कर
संघटक — कल्पना ब्राह्मणे
संघटक — अनिता कापुरे
संघटक — सिद्धार्थ सोनवाने
प्रचारक — गौतम सोनवणे
प्रचारक — प्रतिभा घोडेस्वार
प्रचारक — सुधीर सैंदाणे
या बैठकीस जिल्हा पदाधिकारी व विविध तालुक्यांतील कार्यकर्त्यांची मोठ्या संख्येने उपस्थिती होती. संघटन विस्तार, विचार प्रसार आणि युवकांना जोडण्यावर विशेष भर देण्यात आला.
बैठकीचा समारोप आभार प्रदर्शनाने झाला असून जळगाव जिल्ह्यात समता सैनिक दलाच्या संघटनात्मक विस्ताराला आता अधिक वेग मिळणार असल्याचा विश्वास व्यक्त करण्यात आला.
जिल्हाभर शाखा विस्ताराचा निर्धार — समता सैनिक दलाची संघटनात्मक ताकद वाढणार!
