उपसंपादक:-मिलिंद जंजाळे
साकळी गावासाठी अभिमानास्पद आणि ऐतिहासिक क्षण ठरला आहे. रशियातील कुर्बान स्टेट मेडिकल युनिव्हर्सिटी येथून मोईझ खान इरफान खान यांनी MBBS परीक्षा पहिल्याच प्रयत्नात भारतातून मोठ्या गुणांनी उत्तीर्ण होत दैदीप्यमान यश संपादन केले आहे. विशेष म्हणजे साकळी येथील मुस्लिम समाजातून MBBS उत्तीर्ण होणारे ते पहिलेच डॉक्टर ठरले आहेत.या उल्लेखनीय यशामुळे संपूर्ण साकळी गावासह मुस्लिम समाजात आनंदाचे व उत्साहाचे वातावरण पसरले असून, मोईझ खान यांच्यावर कौतुकाचा वर्षाव होत आहे. शिक्षणाच्या माध्यमातून समाजात नवा आदर्श निर्माण करणाऱ्या या यशस्वी डॉक्टराचा भव्य सत्कार समारंभ आयोजित करण्यात आला होता.
या सत्कारप्रसंगी माजी उपसरपंच मो. वासिम खान हाजी आसिफ खान,
माजी उपसरपंच मुसेखा इसेखा पठाण,माजी ग्रामपंचायत सदस्य सैय्यद अहमद सैय्यद मिरा,माजी ग्रामपंचायत सदस्य सर्फराज तडवी,सामाजिक कार्यकर्ते शेख सलीम अब्दुलहक, बिस्मिल्लाह खान लालखान,मिलिंद जंजाळे, शाहरुख खान, शेख रिझवान, रफिक खान,शेख साबीर, शेख अकील, इरफान खान,यांच्यासह मुस्लिम बांधव व गावातील सामाजिक कार्यकर्ते मोठ्या संख्येने उपस्थित होते.
डॉ. मोईझ खान इरफान खान हे साकळी येथील अंजुमन इस्लाम हायस्कूलचे प्राचार्य इरफान खान अलीशेरखा यांचे चिरंजीव असून, त्यांच्या या यशामागे कुटुंबीयांचे मार्गदर्शन, कठोर परिश्रम आणि सातत्यपूर्ण अभ्यास कारणीभूत असल्याचे उपस्थितांनी नमूद केले.
मोईझ खान यांच्या या यशामुळे साकळीतील तरुण पिढीला वैद्यकीय शिक्षणाची नवी प्रेरणा मिळाली असून, “ग्रामीण भागातूनही जागतिक स्तरावर यश मिळवता येते” हे त्यांनी सिद्ध करून दाखवले आहे.
