पाचोरा प्रतिनिधी शेख जावीद
अखिल भारतीय ग्राहक पंचायत तर्फे पाचोरा रेल्वे स्थानकार विविध मेल एक्स्प्रेस स थांबा व लिफ्ट सुविधा निर्मिती साठी आमदार किशोर अप्पा पाटील यांचे उपस्थितीत प्रांत सचिव डॉ.अनिल देशमुख, पाचोरा तालुका अध्यक्ष श्री संजय पाटील, जिल्हा सहसचिव श्री सुधाकर पाटील, जिल्हा आई टी सेल प्रमुख श्री शरद गीते, माजी तालुका अध्यक्ष श्री चिंधुभाऊ मोकल, वैद्यकीय समिती प्रमुख डॉ मुकेश नैनाव, डॉ. भरत प्रजापत यांनी रेल्वे जनरल मॅनेजर श्री विवेक कुमार जी गुप्ता यांची भेट घेत त्यांचे मुख्य लोक संपर्क अधिकारी डॉ. स्वप्निल नीला ,श्री पुनीत अग्रवाल डी .आर.एम. यांच्या कडे विविध रेल समस्यांचे निवेदन सादर केले आहे.निवेदनात पाचोरा रेल्वे स्थानकावर विदर्भ एक्स्प्रेस, आझाद हिंद एक्सप्रेस,पंजाब मेल ,गोवा एक्स्प्रेस ,जनता एक्स्प्रेस यांचे थांबे देण्यात यावे तसेच सकाळी 7.30 ते 9 मध्ये जळगाव भुसावळ नाशिक कडे जाणे येण्यासाठी कोविड काळात बंद करण्यात आलेली शटल अथवा एक्सप्रेस परत सुरू करण्यात यावी अथवा कटनी भुसावळ एक्स्प्रेस नाशिक पर्यंत एक्सटेंड करण्यात यावी एक्स्प्रेस रेल्वे स अधिक दोन जनरल कंपार्टमेंट जोडण्यात यावेत.आर. एम.एस.साठी सर्वसाधारण असलेली प्रवाशान साठी मंजूर असलेली बोगी न वापरता स्वतंत्र बोगी जोडण्यात यावी पाचोरा रेल्वे स्थानकावर अमृत भारत योजना अंतर्गत मंजूर लिफ्ट व रॅम्प ची सुविधा त्वरीत सुरू करण्यात यावी एक्स्प्रेस गाड्यांचा दर्जा कुठल्याही सुविधा न देता सुपर फास्ट करून अधिक ची भाडे वाढ करण्यात येऊ नये.सिकंदराबाद अजंता एक्स्प्रेस भुसावळ पर्यंत करण्यात यावी .अशा विविध मागण्याचा समावेश निवेदनात करण्यात आला आहे.
आदरणीय आमदार किशोर अप्पा पाटील व अखिल भारतीय ग्राहक पंचायत चे शिष्टमंडळास उत्तर देताना रेल्वे प्रशासना तर्फे लोक संपर्क अधिकारी यांनी मंजूर लिफ्ट सुविधा चे काम व तसेच अप डाउन करणारे व इतर प्रवासी यांचे साठी 7.30 ते 9.30 वेळेत पाचोरा प्रवाशांसाठी साठी सोय होईल यासाठी लवकरच प्रयत्न करण्यात येतील व इतर ही नमूद मागण्या बद्दल जे जे करता येईल ते करण्यात येईल असे शिष्टमंडळास आश्र्वासित करण्यात आले आहे.डॉ.अनिल देशमुख प्रांत सचिव यांनी आदरणीय आमदार किशोर अप्पा पाटील व रेल्वे प्रशासना विषयी मनःपूर्वक आभार व्यक्त केले आहेत.
