उपसंपादक : मिलिंद जंजाळे
साकळी येथे भारतीय जनता पार्टीचा 46 वा वर्धापन दिन साकळी येथील विविध कार्यकारी सोसायटीत मोठ्या उत्साहात आणि जल्लोषात साजरा करण्यात आला. यावेळी बोलताना भाजपा जिल्हा उपाध्यक्ष रविंद्र (छोटू भाऊ) सूर्यभान पाटील यांनी ठामपणे प्रतिपादन केले की, “भाजपा आज देशात प्रथमस्थानी आहे, यामागे सर्वसामान्य कार्यकर्त्यांची अहोरात्र मेहनत आणि निष्ठा हीच खरी ताकद आहे.”
ते पुढे म्हणाले की, कार्यकर्त्यांनी ‘घर घर भाजपा’ हा संदेश जनतेपर्यंत पोहोचवून पक्षाची भक्कम पायाभरणी केली आहे. याच निष्ठेमुळे आज देशात भाजपा सरकार सक्षमपणे कार्यरत आहे.
कार्यक्रमात भाजपा वैद्यकीय आघाडीचे जिल्हा उपाध्यक्ष डॉ. सुनिल पाटील यांनी आपल्या मनोगतातून पक्षाच्या वाटचालीचा आढावा घेत कार्यकर्त्यांना प्रेरित केले. त्यांनी भाजपा पक्षाची भूमिका, कार्यपद्धती आणि जनहितासाठी केलेल्या कामांची माहिती सविस्तरपणे मांडली.
कार्यक्रमाचे प्रभावी सूत्रसंचालन भाजपा कार्यकर्ते योगेश खेवलकर यांनी केले, तर आभार प्रदर्शन संदीप (भैया) प्रभाकर सोनवणे यांनी व्यक्त केले.
यावेळी प्रमुख उपस्थितीत भाजपा जिल्हा उपाध्यक्ष तथा माजी शिक्षण व आरोग्य सभापती रविंद्र (छोटू भाऊ) सूर्यभान पाटील, कृषी उत्पन्न बाजार समिती यावलचे सभापती उज्जेनसिंग राजपूत, संचालक नानासो विलास चंद्रभान पाटील, युवक जिल्हा पदाधिकारी संजय पाटील (किनगाव), भाजपा वैद्यकीय आघाडीचे जिल्हा उपाध्यक्ष डॉ. सुनिल पाटील, जेष्ठ कार्यकर्ते सैय्यद अहमद सैय्यद मिरा, तसेच दहिगाव व परिसरातील अनेक पदाधिकारी आणि कार्यकर्त्यांची उल्लेखनीय उपस्थिती होती.
यामध्ये देविदास पाटील, सैय्यद मोईद्दीन, प्रताप बडगुजर, सुनिल वाणी, वसिम खान, नसीर खान, पंढरीनाथ पाटील, विलास काळे, विलास पवार, नितीन फनाटे, मोहन बडगुजर, सर्फराज तडवी, किसन महाजन, नूतनराज बडगुजर, राजू सोनवणे, नाना भालेराव, सिद्धार्थ जंजाळे, शाहरुख खान, दर्पण खेवलकर यांच्यासह साकळी व चुचाळे परिसरातील भाजपा पदाधिकारी व कार्यकर्ते मोठ्या संख्येने उपस्थित होते.
या वर्धापन दिनानिमित्त कार्यकर्त्यांमध्ये नवचैतन्य निर्माण झाले असून, आगामी काळात अधिक जोमाने पक्षविस्तार करण्याचा निर्धार यावेळी व्यक्त करण्यात आला.
