जामनेर प्रतिनिधी :-
जामनेर नगरपरिषद निवडणुकीत आज मतदान सुरू असताना जामनेर शहरातील एका मतदान केंद्रावर बोगस मतदानाचा थरारक प्रकार उघडकीस आला आहे. मतदान प्रक्रियेचा भक्कम बंदोबस्त असूनही एका युवकाने दुसऱ्याच्या नावाने मतदान करण्याचा प्रयत्न केला. मात्र सतर्क मतदान कर्मचाऱ्यांनी आणि सुरक्षा दलाने त्याला रंगेहात पकडत थेट पोलिसांच्या स्वाधीन केले. या घटनेमुळे संपूर्ण परिसरात मोठी खळबळ उडाली आहे.
बोगस मतदानाचा प्रयत्न उधळला – मतदान कर्मचाऱ्यांची तात्काळ कारवाई
मिळालेल्या माहितीनुसार, संबंधित युवकाने दुसऱ्या मतदाराचे नाव व क्रमांक सांगून मतदानाचा हक्क बजावण्याचा प्रयत्न केला. ओळखपत्रातील विसंगतीवर कर्मचाऱ्यांनी प्रश्न उपस्थित केला असता तो अडखळू लागला. त्याच वेळी त्याचा डाव उघड झाला व पोलिसांनी घटनास्थळी धाव घेतली.
पोलिसांचा ताबडतोब हस्तक्षेप – गुन्हा दाखल करण्याची तयारी
घटना गांभीर्याने घेत पोलिसांनी आरोपीला ताब्यात घेत चौकशी सुरू केली आहे. निवडणूक प्रक्रियेत गोंधळ निर्माण करणे, बोगस मतदान करणे हे कायद्याने गंभीर गुन्हे असल्याने त्याच्यावर कठोर कारवाईची शक्यता वर्तवली जात आहे.
मतदान केंद्रांवर तणावाचे वातावरण – नागरिकांमध्ये संताप
बोगस मतदानाचा प्रकार उजेडात आल्यानंतर नागरिकांमध्ये प्रचंड संताप उसळला आहे. “लोकशाहीची गळचेपी करणाऱ्यांना कठोर शिक्षा झाली पाहिजे,” अशा प्रतिक्रिया मतदारांकडून व्यक्त होत आहेत.
याच पद्धती च्या घटनांनी निवडणुकीवर परिणाम होऊ नये म्हणून प्रशासनाने अतिरिक्त पोलीस बंदोबस्त वाढवला आहे.
निवडणूक प्रक्रियेचा भंग सहन केला जाणार नाही – प्रशासनाचा इशारा
तहसील प्रशासनाने स्पष्ट केले आहे की मतदान प्रक्रियेत हस्तक्षेप, बोगस मतदान, किंवा कोणत्याही प्रकारचा गैरप्रकार सहन केला जाणार नाही. प्रत्येक मतदान केंद्रावर सीसीटीव्ही व सुरक्षा दल सज्ज असून कोणतीही शंका निर्माण झाल्यास थेट कारवाई करण्यात येईल.
