उपसंपादक : मिलिंद जंजाळे
जळगाव : आरोग्य विभागात मोठी खळबळ उडवणारी घटना समोर आली असून, वैद्यकीय अधिकारी डॉ. जितेंद्र अशोक पाटील यांच्या बेकायदेशीर कामकाजाबाबत गंभीर तक्रार दाखल झाल्याने अखेर प्रशासनाला जाग आली आहे. या प्रकरणाची दखल घेत जिल्हा शल्य चिकित्सक कार्यालय, जळगाव यांनी अधिकृतपणे विभागीय चौकशीचे आदेश जारी केले आहेत.
मिळालेल्या माहितीनुसार, संबंधित डॉक्टरांविरोधात केलेल्या तक्रारीत अनेक गंभीर बाबींचा उल्लेख करण्यात आला असून, त्यांच्या कामकाजावर प्रश्नचिन्ह उपस्थित करण्यात आले आहे. यामुळे आरोग्य यंत्रणेच्या पारदर्शकतेवरच संशय निर्माण झाला आहे.
चौकशीसाठी समिती स्थापन
या प्रकरणाच्या सखोल चौकशीसाठी प्रशासनाने तीन सदस्यीय समिती नियुक्त केली आहे.
या समितीत:डॉ. सतीश वी. टाक (अध्यक्ष)डॉ. प्रकाश ताले (सदस्य)श्री. रविंद्र अमुकर (सदस्य)यांचा समावेश असून, संबंधित सर्व कागदपत्रांची तपासणी व जबाब नोंदवण्याचे निर्देश देण्यात आले आहेत.
७ दिवसांत अहवाल देण्याचे आदेश
प्रशासनाने या प्रकरणाची गंभीरता लक्षात घेऊन चौकशी समितीला ७ दिवसांच्या आत सविस्तर अहवाल सादर करण्याचे आदेश दिले आहेत. त्यामुळे आता या चौकशीकडे सर्वांचे लक्ष लागले आहे.
आरोग्य व्यवस्थेवर प्रश्नचिन्ह
या घटनेमुळे जळगाव जिल्ह्यातील आरोग्य व्यवस्थेवर मोठे प्रश्नचिन्ह उभे राहिले आहे. जर तक्रारीतील आरोप खरे ठरले, तर संबंधित अधिकाऱ्यावर कठोर कारवाई होणार का? असा सवाल आता सर्वसामान्य नागरिकांमध्ये उपस्थित होत आहे.
नागरिकांची मागणी
“सत्य बाहेर आले पाहिजे आणि दोषींवर कठोर कारवाई झाली पाहिजे,” अशी तीव्र मागणी नागरिकांकडून केली जात आहे.
आता सर्वांचे लक्ष चौकशी अहवालाकडे लागले असून, या प्रकरणात पुढे काय उलगडा होतो, हे पाहणे महत्त्वाचे ठरणार आहे.
