यावल तालुका प्रतिनिधी ( राहुल जयकर )
राजोरे (ता. यावल) प्राथमिक आरोग्य केंद्र भालोद अंतर्गत उपकेंद्र राजोरे येथे राष्ट्रीय क्षयरोग दूरीकरण अभियानांतर्गत क्षयमुक्त गाव माझी जबाबदारी कार्यक्रम संपन्न झाला.
हा उपक्रम जिल्हा वैद्यकीय अधिकारी डॉ. सचिन भायेकर व तालुका वैद्यकीय अधिकारी डॉ. राजू तडवी यांच्या मार्गदर्शनाखाली पार पडला.
कार्यक्रमाची सुरुवात डॉ. भावेश जावळे यांच्या हस्ते दीपप्रज्वलन करून झाली. त्यांनी क्षयरोग निर्मूलन मोहिमेची माहिती दिली. या अभियानांतर्गत एकूण ५५ रुग्णांची थुंकी व एक्स-रे तपासणी करण्यात आली.
तपासणी व जनजागृती कार्यात डॉ. अर्चना पाचपोळे, डॉ. जाकीर पिंजारी, डॉ. पंकज पाटील, डॉ. हर्षल चौधरी यांच्यासह आरोग्य कर्मचारी व आशा वर्कर यांनी परिश्रम घेतले.
या प्रसंगी उपसरपंच दिनेश पाटील, भाजपा तालुका अध्यक्ष सागर कोळी, मधुकर नारखेडे, मयूर महाजन व गावकरी बांधव उपस्थित होते.
