रावेर: नॅशनल व्हॉइस मीडिया फोरमच्या वतीने पत्रकार दिनानिमित्त रावेर येथे विशेष बैठकीचे आयोजन करण्यात आले होते. या बैठकीत ३१ जानेवारी रोजी शेगाव येथे होणाऱ्या राज्यस्तरीय कार्यक्रमाच्या नियोजनावर चर्चा करण्यात आली.
कार्यक्रमाची सुरुवात रावेर येथील तक्षशिला बुद्ध विहारात अभिवादन करून झाली. त्यानंतर रावेर शासकीय विश्रामगृह येथे मुख्य बैठक पार पडली. या बैठकीच्या अध्यक्षस्थानी तालुकाध्यक्ष बाळू शिरतुरे होते. यावेळी जिल्हाध्यक्ष दिनेश इखारे आणि जिल्हा सचिव रमेश खंडारे यांनी उपस्थित पत्रकारांना मोलाचे मार्गदर्शन केले.
शेगावच्या कार्यक्रमाला उपस्थित राहण्याचे आवाहन
आगामी ३१ जानेवारी रोजी शेगाव येथे ‘मुकनायक पत्रकार दिन’, राज्यस्तरीय पुरस्कार वितरण सोहळा आणि नॅशनल व्हॉइस मीडिया फोरमचा वर्धापन दिन साजरा करण्यात येणार आहे. या कार्यक्रमाबाबत बैठकीत सविस्तर चर्चा करण्यात आली. फुले-शाहू-आंबेडकर यांच्या विचारांचा वारसा चालवणाऱ्या सर्व पत्रकारांनी या सोहळ्याला मोठ्या संख्येने उपस्थित राहावे, असे आवाहन अध्यक्ष बाळू शिरतुरे यांनी केले आहे.
उपस्थित पदाधिकारी
या बैठकीला कांतीलाल गाढे, प्रविण धुंधले, प्रशांत गाढे, संतोष कोसोदे, नगीनदास इंगळे, संजय कोचुरे, विनोद तायडे, राहुल गाढे यांच्यासह संघटनेचे इतर पदाधिकारी आणि पत्रकार उपस्थित होते
